قصيدة نائل المظفر اريد افتح وياك باب العتاب

اريد افتح أوياك باب العتاب**وأكفر بلعشك لو كلت سده
نتام بلاي مخده ويخلص اليل**وانه كل ساعه شابكلي مخده
صاير ماتحس كلش هاليام**وحيل تغيرت بيك الموده
تجر كلبي وتحبسه بطرف الرموش**لا عينك تشبكه ولا تهده
وان كلمن يجيلك حنحه مكسور**بس مكسور خاطرلا ترده
ولو خصرك سفينة وصدرك اشراع**وتخدر كل هوى بصدرك تصده
بس لا تنتفخ كلش على اهواك**لانك أزرك ولك يسمر تهده
انه اشكد اجيتك وتقغل الباب**ومن كد ما ألي تفتحه وتسده
وانت ولا جيت بيوم بهواي**حتى بلعشك كاضيه خده
هاي الوياك صرت وحده بهواي**ومس بليل هم مطلوب وحده
كلش زين يبك وكلشي مو زين**صحبته بلهوى من كمت أهده
أشوفك الزين كله لذنك ايروح**ولمو زين من يمك تعده
ليش الزاح الشواطي شبدل الشوك**وليش اتغيرت مو جنت ورده
وكلمن كال يبنادم هذا يهواك**وعليك يدور وجه شما تعده
كلت لا جنه حلو مو وجه يدور**خده يدور حتى ايبوس خده
وجناتك شمس تحرك بلكلوب**والما يحترك يحترك جده
شتكول لناس ما عرفه هذا جذاب**نسيت كل ذيج الموده
وانه الجان العمر ما فتحه الزيج**وليمون فوك اجفون وده
أعددلك أشكد بجسمك مسامات**أسميهن بسمهن وحده وحده
تذكر من جنت تشابك أواي**شعرك روج أحسه وجتفني سده
أشده ويشدني أريد أشده وما أريد اشده**لانه خيط الشمس محد يشده
*******************************************************